Hukumar Wayar da Kai ta Kasa, NOA, ta yi Allah-wadai da halayen wasu jami’an ’yan sanda

Usman Muhammad Ismail 0 views

Hukumar Wayar da Kai ta Kasa, NOA, ta yi Allah-wadai da halayen wasu jami’an ’yan sanda da aka gani a wani bidiyo da ya bazu a kafafen sada zumunta, inda ake zarginsu da neman cin hanci daga wani direba bayan sun kammala binciken motarsa.

Hukumar ta ce abin da ya fi tayar da hankali shi ne furucin da ake zargin daya daga cikin jami’an ya yi, inda ya ce da direban ya kasance dan kabilar Igbo ne, da ya mare shi.

NOA ta bayyana cewa irin wannan magana ta saba wa ka’idojin hadin kan kasa, mutunta juna, adalci da kuma darajar kowane dan Najeriya ba tare da la’akari da kabila, addini ko ra’ayin siyasa ba.

Hukumar ta yaba wa rundunar ’yan sandan kasar nan bisa gaggawar daukar mataki, inda ta bayar da umarnin cafke jami’an da abin ya shafa tare da fara bincike da matakan ladabtarwa a kansu

Hukumar Wayar da Kai ta Kasa, NOA, ta yi Allah-wadai da halayen wasu jami’an ’yan sanda

Labaran da suka shafi wannan

Shugaban Ƙasa Bola Ahmed Tinubu ya amince a kash Naira biliyan 46 domin aikin sake shimfiɗa kwalta da kuma gina sabon titin saukar jiragen sama na biyu a Filin Jirgin Sama na Ƙasa da Ƙasa na Mallam Aminu Kano da ke Kano.

Hukumar tsaron lafiya da Dukiyoyi al'umma ta civil defense reshen jihar Jigawa, ta kama wasu mutane huɗu da ake zargi da sace kwanukan rufin aluminium a Makarantar koyon Jinya dake Hadejia.

Kuɗin sufurin ababen hawa ya yi tashin gwauron zabi a sassa daban-daban na Najeriya bayan farashin litar man fetur ya haura zuwa Naira 1,400.