Zan baiwa hukumar EFCC hadin kai – Sen. Bukola

Shugaban majalisar dattijai a Najeriya Abubakar Bukola Saraki, ya bada tabbacin marawa hukumar EFCC baya, da nufin inganta hukumar ta hanyoyin daban-daban, don yakar cin hanci da rashawa.

Wannan na kunshe cikin sanarwar da Sakatarensa na musamman kan kafafen yada labarai Sanni Onogu ya fitar.

Sanarwar ta kara da cewa, Shugaban ya furta hakan ne lokacin ya da ka kai ziyarar gani da ido zuwa sabon shelkwatar hukumar EFCC da ake ginawa a birnin tarayya Abuja.

A Sanarwar, Bukola Saraki ya yi matukar gamsuwa da tsarin sabon ginin, duba da cewa an yi tsari ginin ne, da taimakon kwararu kan harkan gine-gine na kasar nan.

Ta kuma ce, ziyara ta sa, wani bangare ne da ke nuna damuwar majalisun tarayyar kasar nan na ci yar da kasar nan gaba.

Leave a Reply

Your email address will not be published. Required fields are marked *